O GALEGO TAMÉN NOUTROS MUNDOS
Bases de participación
1. A exposición
«O galego tamén noutros mundos» consta de trece paneis nos que se mostra a universalidade da nosa lingua e o seu carácter aberto e internacional, que nos comunicou e nos comunica con outra xente e nos fai estar presentes noutras terras.
A exposición está instalada nos dous andares da EOI Pontevedra.
2. Participación no cuestionario
Para participar, escanea o código QR que aparece no cartel da actividade. Accederás a un cuestionario de 20 preguntas:
10 preguntas directas, unha por cada un dos dez paneis seleccionados.
10 preguntas adicionais, ás que poderás responder consultando os códigos QR correspondentes nos paneis.
As preguntas aparecerán agrupadas por paneis: primeiro a pregunta directa e, a continuación, a pregunta que require consultar o QR dese panel.
3. Participación no Recuncho das Fotos
O Recuncho das Fotos estará situado na entrada da biblioteca da EOI Pontevedra.
Visítao, tira unha autofoto ou unha foto en grupo (sostendo o cartel) e envía ao enderezo electrónico edlg@eoipontevedra.org tantas fotografías como desexes.
Lembra que ao enviar as fotografías, aceptas que se publiquen nas redes sociais da Escola.
4. Prazo de participación
Poderás participar no cuestionario e enviar as túas fotografías desde o 18 ata o 30 de novembro de 2026, ambos os dous días incluídos.
5. Premios
Entregaranse tres vales de 30 euros para gastar en librarías:
Dous vales de 30 euros para as persoas gañadoras do cuestionario.
Un vale de 30 euros para a persoa gañadora do concurso de fotografías.
6. Sorteo e publicación dos resultados
O sorteo dos tres vales realizarase en decembro do 2026. As persoas gañadoras daranse a coñecer tamén durante ese mes.
7. Organización
A actividade está organizada polo Equipo de Dinamización da Lingua Galega (EDLG) da EOI Pontevedra.
CO GALEGO... ONDE QUEIRAS!


Ningún comentario:
Publicar un comentario