Esta efeméride vénse celebrando cada ano neste día, que coincide co do nacemento de Castelao.
Nesta data reivindícase o papel dos profesionais do mundo da ilustración homenaxeando a un ilustrador ou ilustradora histórico galego. Este ano o protagonista é Reimundo Patiño, pintor, gravador e autor de banda deseñada. A encargada de deseñar o cartel para dita celebración foi a ilustradora Paula Mayor:
As bibliotecas galegas teñen artelladas actividades e eventos para o público. Así, a Biblioteca Antonio Odriozola de Pontevedra, ademais dunha mostra sobre o libro ilustrado, que se poderá visitar ata mediados de febreiro, e tamén ofertará un obradoiro de deseño gráfico. Se che interesa participar, non deixes de consultar a súa axenda de actividades, onde poderás atopar máis información.
Na EOI de Pontevedra tamén queremos poñer ao teu dispor o mellor da banda deseñada nas diferentes linguas. Se vas ao noso catálogo de fondos e buscas polo tema 'banda deseñada', darás cunha boa cantidade de obras. Se queres ser máis específico e buscar resultados en galego, darás coas seguintes obras, entre outras: A Viñeta de Schrödinger, A Torre dos Mouros, No Nome da Amada Morta, A Sombra Asasina, A Deusa dos Ollos de Xade, Asterix: A Volta á Galia e, como non, o grande clásico: NÓS, de Castelao.
Ningún comentario:
Publicar un comentario